Këshilltari Hasani ka shoqëruar delegacionin e Kosovës gjatë këtyre dy ditëve dhe ka marrë pjesë në sesionet e saj dhe në takimet e mbajtura të delegacionit të Republikës së Kosovës. Në kuadër të delegacionit kanë qenë edhe Drejtori i Përgjithshëm i Doganave të Republikës së Kosovës z. Naim Huruglica, këshilltari i ministrit Shala z. Safet Fazliu, dhe Zëdhënësi i Ministrisë së Ekonomisë dhe Financave z. Muharrem Shahini.

Në  fillim, organizatorët theksuan se ky takim i jep ndihmesë të madhe mundësisë së investimeve italiane në këto vende dhe se ekonomitë e mesme dhe të  vogla  janë  shumë  të rëndësishme për të ardhmen ekonomike të këtyre vendeve. Ata ritheksuan se vendet e Ballkanit dhe të Evropës Lindore janë shumë të rëndësishme për Italinë, dhe në këtë kuadër italia është një avokate për anëtarësim të këtyre vendeve në BE. Ministri i Zhvillimit Ekonomik të  Republikë s së  Italisë  z. Claudio Scajola në  paraqitjen e tij pohoi se ky forum është një rast për tu shfrytëzuar në drejtim të zhvillimit ekonomik dhe investimeve italiane në shtetet e Evropës Juglindore, të cilat përfaqësohen sot në këtë forum në nivel ministrash.

Ai poashtu  shprehu bindje se Bashkimi Evropian  nuk do të jetë një bashkim i vetëm i 27 shteteve, por edhe i shteteve të cilat aspirojnë të jenë pjese e saj, dhe për këtë Italia ka dëshmuar se është përkrahëse e vazhdueshme  e këtyre shteteve ne proceset e tyre të integrimit në këtë union. Forumin i është drejtuar edhe Kryeministri i Shqipërisë z. Sali Berisha, cili gjendej në vizitë në Itali, gjatë seë cilës ai nënshkruajti me Kryeministrin berluskoni marrëveshjen bilaterale mbi partneritetin strategjik mes dy vendeve.